ئۆتۆمبێلێك لە کۆیە له‌ڕێگه‌ی فڕۆكه‌ی بێفڕۆكه‌وانه‌وه‌ كراوه‌ته‌ ئامانج

بە پێی ڕاپۆرتی ئاژانسی هەواڵی مێهر، له‌سه‌ر رێگای هاوینه‌هه‌واری چنارۆك ئۆتۆمبێلێك كه‌ سێ كه‌سی تێدابووه‌ له‌ڕێگه‌ی فڕۆكه‌ی بێفڕۆكه‌وانه‌وه‌ كراوه‌ته‌ ئامانج.

له‌لایه‌كی دیكه‌شه‌وه‌، کامەران عەباس، بەڕێوبەری گشتی تەندروستی کۆیە بە خەندان-ی راگەیاند: یه‌ك كه‌س له‌ئه‌نجامی بۆردومانه‌كه‌ی سنوری چنارۆك بە برینداری گه‌یه‌ندراوه‌ته‌ نه‌خۆشخانه‌ و باری ته‌ندروستی ناجێگیره‌ و مه‌ترسی له‌سه‌ر ژیانی هه‌یه‌.

وتیشی:"تا ئێستا نازانرێت دۆخی ته‌ندروستی دو كه‌سه‌كه‌ی دیكه‌ چۆنه‌، ئه‌وه‌ی گه‌یشتوه‌ته‌ لای ئێمه‌ بۆ نه‌خۆشخانه‌ ته‌نها یه‌ك برینداره‌ و له‌ئێستاشدا خراوه‌ته‌ ژێر چاودێری وردی پزیشكیه‌و."